8-mart Xalqaro xotin-qizlar bayramiga bag’ishlangan tadbir

8-mart Xalq’aro xotin-qizlar kuni munosabati bilan davolash fakulteti, 1-son Bolalar kasalliklari kafedrasida davolash fakultetining 411-guruh tomonidan bayram tadbiri o’tkazildi.

Bayramni institutimizning davolash fakulteti dekani Xalmatova B.T. barcha ayollarni bayram bilan tabriklab, yurtboshimiz Shavkat Mirziyoyev Miromonovichning xalqimizning barcha ayollariga yo’llagan tabrigini o’qib eshtirdilar. Shundan so’ng fakultetimizning faol talaba yigitlari tomonidan go’zal va latofatli ayollar uchun sovg’alar va qiziqarli bayram kechasi tashkilashtirildi.

Fotolavhalar:

Kafedra jamoasining hamkorlik ishlaridan lavha

Kafedramiz bir qancha tibbiyot kollejlari bilan hamkorlik aloqalariga ega.  Zangi ota tibbiyot kolleji hamda Chirchiq tibbiyot kollejlarida talabalar o’rtasida kasbga yo’naltirish va bugungi kunda dolzarb bo’lgan mavzularda ma’ruzalar o’qib, talabalarning tibbiyot sohasidagi bilimini oshirishda o’z hissalarini qo’shib kelmoqdalar.

Маънавий-марифий ишлар

Мустақиллик йилларида мамлакатимизда бузғунчи ғояларга қарши бунёдкор тарғибот тизими шаклланиб, янада такомиллашиб бормоқда. Бунда, айниқса, давлатимиз раҳбари Ш.М. Мирзиёевнинг маънавият ва маърифат соҳасига бўлган доимий эътибори беқиёс аҳамият касб этмоқда.

Шу муносабат билан кафедрамизда хам маънавий марифий ишлар жадал амалга оширилиб келмоқда.

ОМХ факультетининг 2 курс талабалари билан биргаликда Ўзбекистон Республикаси Маданият ва спорт ишлари вазирлиги тасарруфидаги Ўзбекистон Давлат табиат музейига ташриф буюрдик. Табиат музейи — энг кекса илмий-маърифий муассаса ҳисобланади. У 1876 йил 12 июлда ташкил этилган. Музейда қуйидаги 4 бўлим фаолият кўрсатади: флора-фауна бўлими, геология-география бўлими, илмий-маърифат бўлими, фонд бўлими. Ўзбекистон Давлат табиат музейи Ўзбекистондаги музейлар ичида биринчи бўлиб табиатни намойиш қилишнинг ландшафт усулини ишлаб чиқди ав ўз экспозицияларида амалга оширди. Бу усул табиат ҳодисаларини ўзаро боғлиқлиги тўғрисида яққол тасаввур беради. Музей фондида 400 мингдан ортиқ намуна бор: шу жумладан, 300 мингдан ортиқ ҳашаротни ўз ичига олган Ўрта Осиёда энг йирик энтомология фонди, минг варақ гербарийдан иборат ботаника фонди ҳамда зоология ва география материаллари фақатгина Ўзбекистон олимлари ўртасида эмас, балки Мустақил Ҳамдўстлик Мамлакатларида ҳам машҳур.

Xush kelibsiz

Хурматли талабалар.

Бизнинг Республикамиз ахолининг ўртача ёшига нисбатан энг ёш хисобланади, аҳолининг 41%  яқини бу болалар ва ўсмирлардир.  Шунинг учун умумий амалиёт шифокори ўзининг кундалик амалиётида болалар муаммосига кўп вақт ажратишига тўғри келади.Республикамиз Президенти Шавкат Мирзиёев оналар ва болалар саломатлигини яхшилаш чораларига катта эътибор берадилар, чунки соғлом онадан соғлом бола дунёга келади, соғлом авлод юрт келажаги ҳисобланади. Бизнинг кафедрамизда Сиз педагоглар ёрдамида болалар организмининг ёшга оид анатомик-физиологик хусусиятлари, соғлом ва касал болаларни тўғри овқатлантириш тамойиллари, жисмоний ривожланиш мониторингини ўтказиш, болалар орасида кенг тарқалган касалликларни эрта ташҳислаш ва даволаш усуллари, болалар касалликларини олдини олиш йўлларини ўрганасиз. Умид қиламанки кафедрада ўқиш жараёнида Сизни қизиқтирган барча саволларга жавоб оласиз. Педиатрия фанини ўзлаштиришингизда Сизга омад тилаймиз.

Умумий амалиёт шифокорининг доимий фаолиятида болаларни соғломлаштириш, болалар орасида кенг тарқалган касалликларни эрта ташҳислаш, даволаш ва диспансер назоратини ўтказиш асосий ўринни эгаллайди. Шу сабабли умумий амалиёт шифокорини тайёрлаш дастурида “Педиатрия” фани киритилган. “1-сон болалар касалликлари” кафедрасида даволаш ва тиббий-педагогика факультетларининг 3-4-5 курс талабалари, тиббий профилактика факультетининг 4 курс ва Олий маълумотли ҳамшира факультетининг 2 курс талабалари таълим олишади. Шу билан бир қаторда кафедрада педиатрия мутахассислиги бўйича клиник ординаторлар тахсил олишади.

Мақсад ва вазифалар:

Пeдиaтрия фaни умумкaсбий фaнлaр мaжмуaсигa тaaлуқли бўлиб, у VII-X сeмeстрлaрдa ўқитилaди.

Фaннинг мақсади – талабаларда турли ёшдаги соғлом ва бемор болалар ва уларнинг ота-онаси билан мулоқат қилиш, болаларни текшириш, жисмоний мониторинг ўтказиш, болалик ёшида учровчи касалликларни ташхислаш, даволаш, профилактика ва реабилитация чораларини белгилаш бўйича кўникмаларни шакллантириш.

Фaннинг вазифалари:

  • соғлом ва бемор болалар ва уларнинг ота-онаси билан мулоқат қилишни ўргaтиш;
  • болаларда учрайдиган касалликларнинг этиологияси, патогенези, таснифи, клиник кўринишлари, асоратлари, даволаш тaмoйиллaрини ўргaтиш;
  • текшириш усуллари режасини тузиш ва УАШ тактикасини белгилашни кўрсaтиш;
  • клиник ташҳисни қўйиш ва қиёсий таққослаш ўтказишни ўргaтиш;
  • бемор болаларни реабилитация қилиш бўйиша билимни шакллантириш.

Кафедранинг ўқув базалари:

Педиатрия фани ТТА 1 клиникасининг болалар корпусида олиб борилади. Клиникада поликлиника, аллергология, пульмонология, кардионефрология, чақалоқлар бўлими, кўкрак ёшидаги болалар бўлими, жонлаштириш ва интенсив терапия бўлимлари мавжуд. Амалий машғулотлар замонавий компьютерлар билан жиҳосланган хоналарда олиб борилади. Кафедрада презентация ўтказиш учун видеопороектор мавжуд. Барча компьютерлар 3G Модем орқали Интернет тармоғига уланган.  Амалий кўникмаларни ўргатиш учун машғулотлар махсус ташкил қилинган лабораторияда олиб борилади. Ушбу лабораторияда муляжлар ва тематик стендлар мавжуд. Амалий дарс жараёнида талабаларга мавзу бўйича беморлар ва видеотасвирлар намойиш қилинади.

Кафедранинг таркиби: Бугунги кунда кафедрада профессор, 3 доцент, 3 катта ўқитувчи ва 5 ассистет фаолият кўрсатади. Кафедранинг илмий салохияти 75%ни ташкил қилади.

Бизнинг кафедрамиз сайтига хуш келибсиз!